I. Tàyy bu arafu
Xamle
Na a ak b nekk ñaari limm yu ñu raññee.
Dèes na tuddee tàyy bu arafu bu arafam di a te cëram bi sax (terme constant) di b, jokkalante f biy jokkale limum dëgg x bu nekk ak limm bii di ax+b.
Ñu bgi koy binndee : f:x↦ax+b.
ax+b mooy nataaluk x ci f te lòlu dèes na binndee f(x)=ax+b.
Su fekkee ne f(x)=y da ñuy naan : y mooy nataaluk x ci f.
Ci mbinndin wii di ax+b,a ñu ngi koy woowee araf bi ; b ñu ngi koy woowee cërr bu sax bi.
Ab misaal :
Jokkalante bii di f : x↦2x+1 ab tayy bu arafu la.
- 2 mooy araf bi te 1 mooy cërr bu sax bi.
Yènn melokaan
- Su fekkee ne a=0 konn f(x)=b. Tàyy bii di f da fa sax.
- Su b=0 konn f(x)=ax. Tàyy bii di f da fa buumu.
Mandargaay nataal
Mandargaay nataal bu tàyy bu arafu bii di f:R→R
x→f(x)=ax+b ab rëdd la buy jaar ci M(0 ;b) te arafu jubluwaayam di a.
Soppeeku
Tàyy bu arafu bii di f:R→R
x→f(x)=ax+b da fay :
- magg su fekkee ne a>0
- waññeeku su fekkee ne a<0
- sax su fekkee ne a=0
Raññeekuk bènn tàyy bu arafu
Ab misaal :
Na f doon bènn tàyy bu arafu boo xamne : f(2)=−3 ak f(4)=1.
Raññaleel binndinu f(x) ci limum dëgg x bu nekk.
Lòlu mu ngi yemook nga xamle a ak b yiy tax ba f(x)=ax+b. Xam na ñu ne :
f(2)=−3.Konn : 2a+b=−3
f(4)=1. Konn : 4a+b=1
Ñu daal di am kureelu ñaari yemale yu am ñaari deetxam bii :
{2a+b=−3(1)4a+b=1(2)
Dina ñu ko sottal ci wuutal.
Yemoo (1) : 2a+b=−3 mu ngi firi ne b=−2a−3(3)
Konn bu ñu wuutalee b ci (−2a−3) ci yemoo (2) da ñuy am :
4a+(−2a−3)=1
4a+(−2a−3)=1
muy firi ne 2a−3=1
muy firi ne 2a=4
muy firi ne a=2
Konn da ñuyam a=2.
Ñu am b su ñu wuutalee a ci njëgam ci yemoo gii di (3) :
b=−2a−3b=−2×2−3b=−7Konn : f(x)=2x−7.
II. Tàyy bu arafu ci ay digante
Na f nekk bènn tàyy bu ñu xamee ci f(x)=|−3x+6|.
Na ñu wone ne f ab tàyy bu arafu ci ay digante la.
Da ñuy am −3x+6=0 su fekkee te su fekkee rek ne x=2
Su x≤2, konn f(x)=−3x+6
Su x≥2, konn f(x)=3x−6
Ñu jëlee ci ne, f ab tàyy bu arafu ci ay digante la.
Mandargaay nataal
Na ñu mandargaal cib nataal f(x)=|−3x+6|
Mandargaal cib nataa f mooy nga nataal :
(D1):y=−3x+6 ci x≤2 ak (D2):y=3x−6 ci x≥1
Ci nònu, da ñuy am :
Su fekkee x=1, konn y=3, ñu daal di am tomb bii di A te su fekkeee ne x=2, konn y=0, ñu daal di am tomb bii di B.
Su fekkee x=3, konn y=3, ñu daal di am tomb bii di C.
Ci nònu, ñu am nataal wii