I. Yemale yi bènn deetxam

Yemale yi am melokaanu : $|ax+b|=c$

• Su $c$ ëppee tus, yemale gi da fay am ñaari sottal. Da ngay sottali 2 yemale yii di $ax+b = c$ ak $ax + b = -c$
• Su $c$ nekkee tus, yemale gi bènn sottal rekk la am. Da ngay sottali yemali gii $ax+b=0$

Yemale yi am melokaanu $|a x+b|=|c x+d|$

Da ngay jëfëndikoo jagle jii : $\rm \vert A \vert = \vert B\vert$ su fekkee te su dee rek ne $\rm A = B$ wala $\rm A = - B$.

Yemale yi am melokaanu $ax^2 + b = 0$

Da ngay firi ci ay ëmbeef su manee nekk cërr gu njëkk gi, bind ko ci anam gii di $(ax+b)(cx+d) =0$ ba pare jëfëndikoo jagle jii di $\rm A \times B = 0$ su $\rm A = 0$ wala $\rm B = 0$.

II. Yemadi yi

Yemadi guy ab fŭllante wala yemadi gu melokaanu $(a x+b)(c x+d) \leq 0$

Ngir sottal bènn yemadi gu am melokaanu $(a x+b)(c x+d) \leq 0$, mann naa sottali kureeli yemadi yi muy firi ci jëfëndikoo jangat yii :

• Ab meññeefu 2 ëmbeef da fay yèes tus bu fekkee ne mandargaay ñaari ëmbeef yi da ñoo feewëloo.
• Ab meññeefu 2 ëmbeef da fay ëpp tus tus bu fekkee ne mandargaay ñaari ëmbeef yi bènn la ñu. 
• Mann na ñu itam jëfëndikoo bènn alluwaay mandarga (tableau de signes).

Yemadi yu am melokaanu $ax^2 + b \leqslant 0$

Ngir sottal bènn yemadi gu am melokaanu $ax^2 + b \leqslant 0$ :

• Da may firi ci ay ëmbeef cërr gu njëkk gi.
• Ma daal di sottali yemadeek fŭllante (inéquation-produit) gi may am.