Rëddu digg yi

I. Cèet 1

Su bènn rëdd jaaree ci diggiy ñaari weti bènn ñettkoñ, kon da fay wetlàŋ ay sukkëndikukaayu ñetteeli wet gi.

$\rm C'$ mooy diggub $\rm [AB]$ te $\rm B'$ mooy diggub $\rm [AC]$ kon $(d)$ da fay wetlàŋ ak $\rm (BC)$.

II. Cèet 2

Su bènn dogit jokkalee diggiy ñaari weti bènn ñettkoñ, kon guddaayam da fay tollook gènn walli guddaayi ñetteeli wet gi.

$\rm I$ mooy diggub $[\mathrm{AB}]$ te $\mathrm{J}$ mooy diggub $[\mathrm{BC}]$ kon $\mathrm{J}=\dfrac{1}{2} \mathrm{AC}$.

III. Cèet 3

Si bènn ñettkoñ, su fekkee ne bènn rëdd da fay jaar ci diggi bènn wet te wetlàŋ ak beneen wet, kon da fay jaar ci diggi ñetteeli wet gi.

$\rm B'$ mooy digguk $\rm [A C]$ te $(d)$ da fa wetlàŋ ak $\rm (B C)$ kon $\rm C^{\prime}$ mooy digguk $\rm [A B]$.

IV. Cèet 4

Su ñetti rëdd daggatee ci bènn dogkat (sécante) ñaari dogit yu toftalante te yemoo guddaay, kon da ñuyy daggat ci dogkat beneen bu nekk ñaari dogit yu toftalante te yemoo guddaay.