Yemoo gii di $a+x=b$, ci loo xamne $a$ ak $b$ ay fukkeel yu ñu joxe la, dèes na ko tuddee ab yemale bu deetxamam (inconnue) nekk $\boldsymbol{x}$.
Sottali yemale $a+x=b$ ci bènn mbooloo, mooy nga fexe ba gennee ci mbooloo mòmu njëgug deetxam bii di $x$ ngir yemoo bi jub.
Yemale bii di $a+x=b$ ab sottalam mooy $\color{orangered}{x=b-a}$.
Ngir sottali bènn yemale bu nekk ci melokaanu $a x=b$ te $a \neq 0$, da ñuy xaajale $b$ parci $a$.
Su fekke ne $a \neq 0$, yemale $a x=b$ sottalam da fay nekk $x=\dfrac{b}{a}$.
Wuute bii di $a+x < b$, fu $a$ ak $b$ nekkee ay fukkeel yu ñu joxee ñu ngi koy woowee ab yemadi bu deetxamam nekk $\boldsymbol{x}$.
Ci bènn yemadi ñaari cërr yi bènn mandargaay wuute moo leen di xaajale.
$a+x$ mooy cërr wu njëkk wu yemadi gi te $b$ mooy cëruk ñaareel wi.
Ngir sottal yemadi gii di : $a+x \leq b$, da ngay yokk ci ñaari cërr yi feewëloo bu $a$, nga daal di am yemadi gii di : $x \leq b+ \text{feewëlook } a$ (maanaam $x \leq b-a)$.
Su boobaa di nga mana soppi sottal gi ci bènn nataal.
Ay misaal :
$\checkmark$ $2,5+x < 6$ ; $x < 6-2,5$ ; $x < 3,5$
Mbooloom sottal yi mooy wàll gi ñu rëddul.
$\checkmark$ $7+x \geq 1,2$ ; $x \geq 1,2-7$ ; $x \geq-5,8$
Mbooloom sottal yi mooy wàll gi ñu rëddul.
