Wet-yu-làŋ yi

Xamale

Ab wet-yu-làŋ mooy bènn ñeentikoñ boo xamne wetam yi feewëloo da ñoo wet-làŋ 

Ay jagle

1) Ci bènn wet-yu-làŋ, galaŋ yi da ñuy dogoo ci seen digg. 

Tomb bòbu da fay nekk diggu safaanook jàkkaarle bu wet-yu-làŋ bi. 

2) Ci bènn wet-yu-làŋ, wet yi feewëloo da ñuy yemoo guddaay.

$\rm ABCD$ ab wet-yu-làŋ la, kon $\rm AB = DC$ te $\rm AD = BC$.

3) Ci bènn wet-yu-làŋ, ñaari angal yu feewëloo da ñuy yem natt.

Ci bènn wet-yu-làŋ, ñaari angal yu toftalante da ñuy ëppalante.

$\mathrm{ABCD}$ ab wet-yu-làŋ la, kon $\rm\widehat{A}=\rm\widehat{C}$ te $\rm\widehat{B}=\rm\widehat{D}$ :

• $\rm\widehat{A}+\widehat{B}=180^{\circ}$ ;
  $\rm\widehat{B}+\widehat{C}=180^{\circ}$ ;
  $\rm\widehat{C}+\widehat{D}=180^{\circ}$ ;
  $\rm\widehat{D}+\widehat{A}=180^{\circ}$.

Xammeekuk bènn wet-yu-làŋ

1) Su wet yi feewëloo ci bènn ñeentikoñ yëpp da ñoo wet-làŋ, kon ñeentikoñ bi ab wet-yu-làŋ la.

$\rm (AB) // (D C)$ et $\rm (A D) / /(B C)$, kon $\rm A B C D$ ab wet-yu-làŋ la.

2) Su galaŋu bènn ñeentikoñ dogoo ci seen digg, kon ab wet-yu-làŋ la.

$\rm O$ mooy digguk $\rm [A C]$ te $\rm O$ mooy digguk $\rm [BD]$, kon $\rm ABCD$ ab wet-yu-làŋ la.

3) Su bènn  ñettkoñ amee ay angal yu feewëloo yu yem natt ñaar ñaar, kon ab wet-yu-làŋ la.  

4) Su  fekke ne ci bènn ñeentikoñ, ñaari dendaleek angal yu toftalante yu nekk da ñoo dolliwante, ñeentikoñ bòbu ab wet-yu-làŋ la. 

$\rm\widehat{A}=\rm\widehat{C}$ te $\rm\widehat{B}=\rm\widehat{D}$, kon $\mathrm{ABCD}$ ab wet-yu-làŋ la.

• $\rm\widehat{A}+\widehat{B}=180^{\circ}$ ;
• $\rm \widehat{B}+\widehat{C}=180^{\circ}$ ;
• $\rm \widehat{C}+\widehat{D}=180^{\circ}$ ;
• $\rm \widehat{D} + \widehat{A}=180^{\circ}$.

Yaatuwaayuk bènn wet-yu-làŋ

Su $\rm ABCD$ doonee bènn wet-yu-làŋ, kon $\rm \text{Yaatuwaay} (A B C D)$ $=\text {sukkëndikukaay} \times \text {kawewaay}=$ $\rm D C \times A H$.